Mjeksia Shqiptar

Aktorja ka festuar ditën e djeshme ditëlindjen.

Aktorja u lind më 2 prill të vitit 1934, në qytetin e Lushnjes, prej ku nisi edhe hapat e parë drejt karrierës së saj.

Margarita Xhepa, ishte një nga Zonjat e Mëdha të teatrit dhe filmit shqiptar që ka skalitur memorien e publikut shqiptar me role brilante që prej fillimit të saj, në vitet ’60-të dhe deri më tani.

Në maj të vitit 2004, u rikthye në skenën e Teatrit Kombëtar, për të shkëlqyer në dramën “Streha e të harruarve”, një tjetër sukses në karrierën e saj 50-vjecare.

Jetëshkrimi

Nga viti 1950 u aktivizua si artiste probiste në Teatrin Popullor (sot Teatri Kombëtar) dhe njëkohësisht studioi në Liceun Artistik, dega e Dramës.

Ka krijuar mbi 150 role në teatër, midis të cilëve mund të përmendim: Majlindën tek filmi “Majlinda” (Xh. Broja), Dafina tek Lumi i vdekur (dramatizim nga K. Velça i romanit me të njëjtin titull të Jakov Xoxës), Filja tek Cuca e maleve (Loni Papa), Zonja Mëmë tek Kush e solli Doruntinën (dramatizim nga Edmond Budina e Pirro Mani i romanit me të njëjtin titull të Ismail Kadaresë), Nëna tek Përballë vetes (Ruzhdi Pulaha) etj.

Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.

Në rolet e tjera nga dramaturgjia botërore spikasin Klea tek Dhelpra dhe rrushtë (Figereido), Lena tek Xhaxha Vanja (Çehov), Ledi Milford tek Luiza Miler (Shiler), Zonja Berling tek Vizita e inspektorit (Pristli), Zonja Lomen tek Vdekja e një komisioneri (A. Miller), Ana Andrejevna tek Revizori (Gogol), Marsela tek Qeni i kopshtarit (De Vega), Mashenka tek Mashenka (Afigenov), Shejla tek Morali i zonjës Dulska (Zapolska), apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.

Veç roleve në teatër, ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E. Musliun,Rrethi i kujtesës dhe Vitet e pritjes (E. Musliu), me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s’erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.

Në vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

Filmografia

1. Bolero në vilën e pleqve – (2021) Firdus

2. Në kërkim të kujt (2011), serial

3. Tingulli i heshtjes (2010) telenovela

4. Kronikë provinciale (2009)

5. Ne dhe Lenini (2008) – Beti

6. I dashur armik (2004) – Nëna e Harunit

7. Mirupafshim (1997)

8. E diela e fundit (1993)

9. Një djalë edhe një vajzë (1990) – Mësuese Kristina

10. Vitet e pritjes (1990) – Nëna e Helenës

11. Kush e solli Doruntinën (1989) Nëna e Kostandinit dhe Doruntinës

12. Pesha e kohës (1988) – Gruaja e Kryetarit

13. Pranvera s’erdhi vetëm (1988) Nëna e Irenës

14. Misioni përtej detit (1988) – Kristulla

15. Rrethi i kujtesës (1987) – Tefta

16. Fillim i vështirë (1986) Shoqja e Zanës

17. Gabimi (1986) – Mësuesja

18. Gurët e shtëpisë sime (1985) – Gruaja e Fane Mërtirit

19. Militanti (1984) – Nëna e Visar Shundos

20. Apasionata (1983) – Nëna e Arturit

21. Dora e ngrohtë (1983) – Nëna e Besimit

22. Shokët (1982) – Nëna e Gencit

23. Dita e parë e emërimit (1981) – Drita

24. Me hapin e shokëve (1979) (TV) – Mamaja e Gonit

25. Dollia e dasmës sime (1978) – Nëna e Belës

26. Gjeneral gramafoni (1978) – Zonja e Prefektit

27. Koncert në vitin 1936 (1978) – Eleni Jankollari

28. Dimri i fundit (1976) – Shano

29. Pylli i lirisë (1976) – Nënë Katja

30. Tokë e përgjakur (1976) – Sandra

31. Gjurma (1970) – Violeta

32. Vitet e para (1966) – Zyraka

Një lajm i trishtë erdhi mëngjesin e kësaj të enjte.

Ikona e kinematografisë shqiptare, një yll i cili shndriti përgjatë gjithë jetës së saj, u shua në moshën 93-vjeçare.

Margarita Xhepa, një emër që nuk ka nevojë për tituj, pasi ajo vetë ishte një monument i gjallë i artit shqiptar, mbylli sytë përgjithmonë mëngjesin e këtij 3 prilli në shtratin e spitalit ku prej ditësh qëndronte e intubuar pasi gjendja e saj shëndetësore ishte e rënduar.

Burime për mediat bëjnë me dije se ajo prej kohësh vuante nga një sëmundje në mushkëri, sëmundje e cila fatkeqësisht e “gjunjëzoi” në fund të kësaj beteje.

Margarita, gruaja e fortë me të cilën shumë prej nesh janë rritur duke e parë nëpër filma e teatre, i fali të gjithë shpirtin e saj artit shqiptar.

Me ikjen e saj nga kjo botë, Margarita na ka lënë pas shumë çka. Ajo është përjetësuar në çdo interpretim, në çdo duartrokitje, brohoritje të shqiptarëve, por jo vetëm.

E sot, në këtë mëngjes të trishtë prilli, aktorja la në dhimbje familjarët, kolegët e shumtë, miqtë e pafund e mijëra e mijëra shqiptarë. Newsbomb i shpreh ngushëllime familjarëve e të gjithë atyre që patën fatin të jenë bashkëudhëtarë dhe të njohin Margarita Xhepën në këtë jetë.

Prehu në paqe, Zonja e Madhe e artit. Shqipëria do të të duartrokasë përjetësisht!

Luana Vjollca së fundmi nisi moderimin e “Ferma Vip”.

Ky program vitin e kaluar ishte nën moderimin e Fjoralba Ponarit.

Sot, raporti mes dy moderatorev duket se nuk është edhe i mirë, pasi asnjëra nuk ndjeken ne Instagram.

Siç duket edhe ky shkëmbim pozitash nuk kaloi pa hatërmbetje, shkruan “Kosovarja”.

Gjatë mbrëmjes së djeshme në “Big Brother VIP Albania 4”,

sipas një mekanizme nga Vëllai i Madh, banorët kanë vendosur dy persona që meritojnë finalen.

Të ndarë në dy grupe, ata kanë zgjedhur Rozana Radin dhe Gerta Gixharin, të cilat janë në nominim “kokë më kokë” dhe televotimi është i hapur për finalisten e parë.

Duke arritur drejt fundit, lajmi për finalisten e parë do të jepet në spektaklin e të shtunës.

Kujtojmë se finalja e madhe do të zhvillohet më 19 prill dhe Vëllai i Madh ka njoftuar se gara do të jetë vetëm mes katër banorëve.

E ftuar në emisionin “Ndryshe” me Salsano Rrapi dhe Elona Duro

ka qenë Valbona Mhilli. Moderatorja dhe ish-banorja e këtij edicioni,

u eliminua nga loja gjatë një nominimi kokë më kokë me Laertin,

duke përfunduar kështu rrugëtimin e tij në Big Brother.

Ajo bëri një analizë më të hollësishme rreth strategjisë së saj brenda shtëpisë, lojës së banorëve dhe për të dhënë mendimin për situatat më të spikatura gjatë ditëve të fundit në shtëpinë e BBV.

Në lidhje me mbështetjen nga fansat e saj dhe faktin që dy prej tyre madje i kanë kushtuar edhe një këngë, Valbona u shpreh:

Tani jam e sigurt që janë duke më ndjekur sepse që mbrëmë që kemi postuar që do të isha këtu. Po si nuk flejnë kurrë ata? Nuk flejnë. I shikoj gjatë gjithë kohës që janë shumë aktiv, më shkruajnë, merrem me çdo detaj. Janë shumë të mirë.

Më pas, Salsano vendosi të bëjë një rubrikë me katër pyetje, përgjigja e të cilave nga Valbona duhet të jetë ‘po’, ose ‘jo’. Intervista vijoi si më tej:

Salsano: Thonë që ti dhe Laerti e keni lënë të lidheni sapo të dilni nga Big-u?

Valbona: Po!

Salsano: Thonë që ti ke qenë e dashura e Jozit për një vit?

Valbona: Po!

Salsano: Thonë që je lezbike dhe eksperiencën e parë e ke me Livian?

Valbona: Livia, më fal…po!

Salsano: Thonë që po e fitoi Laerti Big-un do të japë gjysmat e lekëve?

Valbona: Po, edhe një po e madhe!