Njëri nga avokatët më të njohur në Kosovë dhe një biznesmen i suksesshëm, Ardi Shita, ka dhënë një lajm të mirë për konkurrentin e Big Brother VIP Albania, Besart Kelmendi – Gjesti.
Shita ka njoftuar se kompania e tij, përmes projektit Evergreen Valleys, është zotuar që nëse Gjesti fiton BBVA, do t’i paguajë shumën prej 50 mijë eurosh, të cilën ai e humbi si pasojë e dënimit për kapërcimin e murit të shtëpisë.
Përveç kësaj, surpriza nuk përfundon këtu. Gjesti do të ketë mundësinë të zgjedhë një familje në nevojë, e cila do të përfitojë gjithashtu 50 mijë euro nga kompania.
Në një postim publik, kompania Eagle Capital, e cila qëndron pas projektit Evergreen Valleys, ka konfirmuar këtë angazhim:
-50,000 euro do të paguhen për Gjestin si mbulim i shumës së zbritur nga Top Channel.
-50,000 euro të tjera do të dhurohen për një kauzë bamirësie të zgjedhur nga vetë Gjesti.
Ky gjest ka marrë reagime pozitive nga publiku dhe ndjekësit e BBVA, duke u vlerësuar si një akt solidariteti dhe mbështetje për artin dhe humanizmin.
