Tensionet mes Gertit dhe Livias në “Big Brother VIP 4” janë intensifikuar sërish gjatë ditës së sotme, duke shkaktuar një atmosferë të nxehtë dhe konflikte mes banorëve.
Livia ka reaguar ashpër ndaj aktorit Gerti, duke e akuzuar atë për mungesë edukate dhe humanizmi, duke i cilësuar fjalët e tij si të papërshtatshme dhe ofenduese.
“Ai duhet të dalë nga ky program.
Nëse një person si ai pëlqehet nga publiku shqiptar, atëherë na kemi rënë në një gropë”, tha Livia, duke e kritikuar në mënyrë të drejtpërdrejtë Gertin, ndërkohë që ai vazhdonte ta ironizonte dhe ta imitojë.
Në përgjigje, Gerti nuk ka hezituar të kthejë goditjen, duke i drejtuar komente të ashpra Livias.
“Për çfarë je e njohur ti? Je turpi i shoqërisë. Të quajnë VIP është një ofendim. Duhet të qëndrosh larg nga ky rreth, sepse nuk je e denjë për respekt”, tha ai.
