Si të kuptoni që vuani nga sëmundja inflamatore e zorrëve? Ylli Merja rekomadon trajtimin alternativ për këtë sëmundje

Në rubrikën ‘Bima dhe shëndeti’ specialisti i mjekësisë bimore Ylli Merja tregoi gjithçka që duhet të dini për sëmundjen Crohn, sëmundjen inflamatore të zorrëve,

nga shkaktarët tek simptomat si dhe trajtimi përmes bimëve medicinale

Në rubrikën “Bima dhe Shëndeti” në emisionin e mëngjesit “Rreze Dielli” në Report Tv me specialistin e bimëve mjekësore Ylli Merja u ndalëm në një nga sëmundjet që gjithnjë e më shumë po përhapet gjatë viteve të fundit,

sëmundjen Crohn, sëmundje inflamatore e zorrëve e cila ndikon në aparatin tretës.

Sëmundja Crohn është një lloj i sëmundjes inflamatore të zorrëve. Tek njerëzit me këtë sëmundje, sistemi imunitar e njeh si të huaj mukozën e traktit tretës dhe e sulmon atë duke shkaktuar inflamacion. Ky inflamacion shkakton zhvillimin e ulçerës dhe të gjakosjes tek mukoza e traktit tretës. Sëmundja Crohn prek zakonisht zorrën e trashë dhe pjesën e fundit të zorrës së hollë që quhet “ileum”, por mund të prekë gjithashtu të gjithë traktin tretës.

Ylli Merja tregoi se një higjenë jo e mirë në kuzhinë, një sistem imunitar i dobët, infeksionet mykotike dhe parazitare por dhe gjenetika, historia familjare janë disa nga shkaktarët e kësaj sëmundje inflamatore të zorrëve.

Simptomat kryesore sipas të cilave mund të kuptojmë nëse vuajmë nga sëmundja Crohn, sëmundja inflamatore e zorrëve janë:

· Diarre e shpeshtë

· Diarre e shoqëruar me gjak

· Dhimbje në gjithë zonën e barkut, ngërçe, fryrje zorrësh

· Ethe në trup, hera herës temperaturë e lartë

· Lodhje, këputje trupore

· Ulçera, fistula

· Dhimbje kyçesh

· Humbje oreksi, rënie në peshë

Sipas specialistit të bimëve mjekësore Ylli Merja, nga mjekësia ende nuk është gjetur një mjekim i saktë. Përdorimi alternativ duhet të veprojë në përshtatje me simptomat.

Për diarrenë dhe hemoragjinë:

· Hani 2-3 ditë rresht nga 1 ftua të pjekur të lyer me mjaltë dhe rigon

· Pini 1 gotë kos me 1 lugë supe niseshte

· Pini 2-3 gota çaj antimyk ose çaj me rigon dhe trumëz

· Pini çaj kolimer 3 x 1 gotë në ditë para buke

· Ekstrakt balsamik, pini 1 lugë çaji 2 herë në ditë pas buke

· Propolis me rigon, pini 3 x 10 pika në ditë pas buke

Për fisurën anale:

· Konsumoni çajra me bishtamith, mëllagë, bar majasilli, lëvore vidhi, trumzë

· Përdorni krem hemorroidesh, vendoseni 2 herë në ditë

Gjellët më të përshtatshme:

· Supa me oriz dhe Pilaf

· Hasude me niseshte

· Djathi, veza e zier spërkatur me rigon

· Përdorimi i erëzave: Mendra e butë /nenexhiku, rigoni, trumza, bari i bletës

 

SHËNIM: Çdo i sëmurë ka veçoritë e tij, ndaj për raste të sëmundjeve të rënda, duhet gjithnjë këshillimi me mjekët. Ky artikull nuk mund të përdoret për të sugjeruar një kurim për çdo person.

More From Forest Beat

Ylli Merja, Koliti

Probleme me jashtëqitjen dhe kolitin? Ylli Merja: Koliti kurohet 100 %...

Çfarë është koliti dhe cilat janë llojet kryesore të tij? Shkaktarët e kolitit, simptomat dhe parandalimi me metodat natyrale Shumë persona në vendin tonë, veçanërisht...
Këshilla Shëndeti
5
minutes
Ylli Merja, Kembet Diabetike

Këmba diabetike, kujdes! Këto janë sinjalet e para / Ylli Merja:...

Këmba diabetike, rreziku që fillon nga një plagë! Si trajtohet në mënyrë natyrale pa arritur në amputim Sëmundja e diabetit po përhapet me ritme të...
Këshilla Shëndeti
5
minutes
Ylli Merja, Rradhiqja

Rradhiqja, super e lirë ‘bombë’ shëndeti / Ylli Merja tregon sëmundjet...

Rradhiqja, bima mrekullibërëse për mëlçinë, sistemin tretës dhe shumë problematika të tjera shëndetësore Në “Bima dhe Shëndeti” në emisionin “Rreze Dielli” në Report Tv, me...
Këshilla Shëndeti
4
minutes
Ylli Merja, Dhimbja e Kembeve

Pse na dhembin këmbët? Si t’i kurojmë natyralisht dhe kur duhet...

Arsyet pse na dhembin këmbët, çfarë fshihet pas kësaj simptome? Si t’i kurojmë natyralisht dhe kur duhet të drejtoheni te mjeku Dhimbja e këmbëve është...
Këshilla Shëndeti
4
minutes