Një aksident i rëndë ka ndodhur në Kuçovë, ku një çift të moshuarish ka humbur jetën dhe vajza e tyre ka mbetur e plagosur.
Ngjarja ndodhi rreth orës 6 të mëngjesit në ‘Rrugën e Drejtë të Kuçovës’, kur makina e drejtuesit A.K. përplasi frezën (mjet bujqësor) që drejtonte Ahmet Kafazi, 81 vjeç, i shoqëruar nga bashkëshortja e tij, Selushe Kafazi, 77 vjeçe, dhe vajza e tyre, Feruze Barushi, 58 vjeçe.
Si pasojë e aksidentit, Ahmeti dhe Selushja humbën jetën në vendngjarje, ndërsa Feruze u dërgua në spital, jashtë rrezikut për jetën. Drejtuesi i automjetit është shoqëruar në Komisariat për hetime të mëtejshme.
Grupi hetimor është në vendngjarje dhe po punon për të sqaruar rrethanat dhe shkakun e aksidentit.
Berat/Informacion paraprak
Rreth orës 06:00, në vendin e quajtur “Rruga e drejtë e Kuçovës”, automjeti me drejtues shtetasin A. K. është përplasur me mjetin bujqësor (frezë dore), në të cilën ndodheshin drejtuesi, shtetasi A. K., 81 vjeç, bashkëshortja e tij shtetasja S. K., 77 vjeçe dhe vajza e tyre, shtetasja F. B., 58 vjeçe. Si pasojë e aksidentit, drejtuesi i mjetit bujqësor, shtetasi A. K., dhe bashkëshortja e tij, shtetasja F. K., kanë humbur jetën në vendngjarje, ndërsa shtetasja F. B. ndodhet në spital, jashtë rrezikut për jetën. Drejtuesi i automjetit është shoqëruar në Komisariat, për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.