Drilon Rama dhe Sara Kolami krijuan një raport
të ngushtë gjatë kohës që ishin pjesë e shtëpisë së “Big Brother VIP Kosova”.
Megjithatë, edhe pse ata shfaqnin një pëlqim të dukshëm për njëri-tjetrin, raporti i tyre mbeti gjithmonë brenda kufijve të miqësisë.
Pas mbarimit të spektaklit, dyshja është parë shpesh në shoqërinë e njëri-tjetrit, duke sugjeruar se lidhja e tyre ka vazhduar edhe pas daljes nga kamera.
Megjithatë, një postim i fundit i Drilonit në InstaStory ka ngritur dyshime mbi mundësinë e një romance mes tij dhe Sarës.
Ai ndau një foto të disa valixheve, ku e pranishme ishte dhe Sara, duke lënë të kuptohet se dyshja do të udhëtojnë së bashku.
Duket se çifti po kalon kohë të veçantë jashtë vendit, dhe tani fansat janë të gjithë sy e veshë për çdo detaj të mundshëm që mund të hedhin dritë mbi këtë lidhje misterioze.
